Nëse zgjohesh mëngjeseve me sy të skuqur, nuk është e thënë se keni qarë apo e keni tepruar me jetën e natës. Sipas ekspertëve, arsyet janë të shumta dhe disa prej të cilave, nuk mund të kalohen vetëm si shqetësim estetik. Kështu mjekët kanë arritur të hartojnë një listë të shkaqeve kryesore, në të cilën janë vendosur edhe këshillat se kur duhet të shkoni tek mjeku në momentin e parë që vëreni se jeni zgjuar me sy të skuqur.
Arsyet përfshijnë një spektër të gjerë shkaqesh, e shpesh janë shenjë e një tjetër problemi – si sy të thatë, mungesa e gjumit ose teprimi me alkoolin.
Ndër shkaqet kryesore mund të përmendim sytë e thatë. Kur sytë janë të thatë, ata acarohen dhe inflamohen. Ky inflamacion shkakton edhe skuqje të tyre. Syri i thatë është më i zakonshëm tek njerëzit mbi 50 vjeç, megjithatë prek edhe më të rinjtë, sidomos ata që kalojnë shumë kohë para kompjuterit.
Alergjitë sezonale mund të shkaktojnë ënjtje dhe inflamacion të syve, duke çuar kështu më skuqje të tyre.
Ilaçe të caktuara, si ato për gjumin, ankthin, apo ato për lehtësimin e dhimbjeve (si ibuprofeni) mund të shkaktojnë tharje dhe skuqje të syve. Këto ilaçe mund të pakësojnë rrjedhjen e gjakut tek indet përreth syve, duke i bërë ato të thatë dhe të skuqur.
Nëse keni ndenjur zgjuar deri natën vonë duke parë filma ose keni kaluar gjysmën e natës duke u kthyer sa nga njëra anë në tjetrën në shtrat, sytë tuaj do të duken si të përgjakur ditën e nesërme.
Sytë kanë nevojë që të mbyllen për njëfarë kohe, në mënyrë që shtresat e lotit të rigjenerohen dhe rimbushen. Humbja e lotëve çon në skuqje të syve.
Konsumimi i duhanit apo noti janë faktorë të tjerë, por në çdo rast duhet të shkoni tek mjeku për një kontroll, pasi kjo skuqje mund të ketë shkaqe më të thella që duhen trajtuar. /tesheshi.com/
