Udhëheqësja i Mianmarit, San Suu Kyi tha se çështja kundër vendit të saj përpara Gjykatës Ndërkombëtare të Drejtësisë (ICJ) ishte “e paplotë dhe mashtruese” në fillim të fjalimit të saj në gjykatë në lidhje me pretendimet e gjenocidit kundër rohinjave, pakicës muslimane.
Gambia, një vend i vogël i Afrikës Perëndimore, ka ngritur një çështje kundër Mianmarit para GJND, gjykata më e lartë e Kombeve të Bashkuara, duke pretenduar se ky vend po shkelte Konventën e Gjenocidit të vitit 1948.
Për momentin, Gambia në padinë e saj po i kërkon gjykatës që menjëherë të vendosë “masa provizore” për të mbrojtur rohinjat nga dhuna e mëtejshme. Një vendim i tillë do të ishte ligjërisht i detyrueshëm.
Më shumë se 700,000 rohinga ikën në Bangladesh fqinj, duke u strehuar përballë një fushate spastrimesh etnike që përfshinte përdhunime masive, vrasje dhe djegie të shtëpive.
Udhëheqësja e Mianmarit, pranoi se ishte e mundur që ushtria të përdorte forcë disproporcionale, por tha se konflikti ishte “kompleks dhe jo i lehtë për t’u kuptuar”. Sidoqoftë, ajo vuri në dukje se ushtarët do të gjykohen nëse konstatohet se kanë kryer krime lufte.
Problemet në shtetin Rakhine, shtëpia e rohinjave, janë “shekuj të vjetër”, tha Suu Kyi, dhe Gambia, e cila paditi Mianmarin, përvijoi “një pamje jo të plotë të fakteve”, theksoi ajo.
Gjatë seancës dëgjimore të së mërkurës, Suu Kyi mbron të njëjtat forca të armatosura që e mbajtën atë në arrest shtëpie për gati 15 vjet.
Në 1991, në mungesë, asaj iu dha Nobeli për Paqen për angazhimin e saj ndaj demokracisë dhe të drejtave të njeriut në Mianmar, e cila në atë kohë u sundua nga një juntë ushtarake.
Ekipi juridik i Gambias i ka kërkuar GJND që të marrë “të gjitha masat brenda autoritetit të tij për të parandaluar veprimet që shndërrohen në një krim të gjenocidit” në Mianmar.
Të martën, ministri gambian i Drejtësisë, Aboubacarr Tambadou i kërkoi GJND-së “të urdhërojë Mianmarin që të ndalojë vrasjet, të parandalojë veprimet barbare, të cilat ende trondisin ndërgjegjen tonë kolektive, për t’i dhënë fund këtij genocidi kundër popullit tonë.”
Mianmari, ku jetojnë shumica e budistëve, i konsideron rohinjat si emigrantë të paligjshëm dhe u mohon atyre shtetësinë. Shumica e të dëbuarve jetojnë sot në kampe të mbushur me refugjatë në Bangladesh.
Suu Kyi gjithashtu tha në fjalën hyrëse se disa përndjekje masive të njerëzve në fillim të viteve 1990 në Ballkan nuk konsideroheshin gjenocid.
Seanca dëgjimore tre-ditore është caktuar të përfundojë të enjten, raporton Asociated Press. /tesheshi.com/
