Ka qenë tejet i ashpër publicisti Veton Surroi në komentet e tij ndaj presidentit Thaçi, duke analizuar situatën e Kosovës në raport me Serbinë, dialogun e çështjen e kufijve.
I ftuar në Top Talk në TCH, Surroi tha se ai vepron gjithnjë me kokën e vet e është i paaftë të ndërtojë konensus.
“Hashim Thaçi ka vepruar me kokën e vet, nuk ka pasur përkrahjen e njerëzve. Nuk njihet si person që ndërton konsensus dhe ai nuk është konfrontuar vetëm më zotin Haradinaj, por me të gjithë spektrin politik në Kosovë pasi Kosova në shumicë e ka kundërshtuar politikën e zotit Thaçi”, tha Surroi.
Duke vlerësuar se në Samitin e pritshëm të Berlinit Kosova shkon e ndarë, Surroi e drejtoi gishtin e fajtorit pikërisht te prezidenti.
“Forca negociatore e Kosovës për fat të keq është zhvlerësuar në masë të madhe nga zoti Thaçi, për akuzat ndaj tij”, deklaroi Surroi. /tesheshi.com/
