Detaje spektakolare kanë rrjedhur dhe sa vijnë e po dalin gjithnjë e më shumë nga fronti i bandave shqiptare të trafikut të drogës, të cilët prej janarit duken si të zëna në çark.
Thuajse çdo ditë kapet nga një grup dhe sekuestrohet gjithçka kanë bërë, shtëpi e katandi me zullumin e trafikut.
Por një nga këto banda, ose më mirë të “punësuar” që kanë qenë në Shqipëri, është e famshmja “Xhoi Loto”, së cilës në ditët e lavdisë së saj kur dhe doli grupi “Çiftelia”, Mandi i Nish tullës i kushtoi një nga perlat e tij me dridhje zëri-tallava mix to mix, e titulli i këngës nuk kishte si të mos ishte reklamë e pastër: “Mora rrugën për Xhoi Lloto”, që njëkohësisht ishte dhe refreni.
Por e gjitha kjo ka lidhje me ardhjen e një dedektivi kyç që e njeh mafien shqiptare si xhepat e tij.
Bëhet fjalë për dedektivin belg, Steven Van Deneste, i cili dëshmoi dy ditë më parë në gjyqin e Mark Frrokut, të cilin, e njeh rrezik më shumë se e ëma dhe ia numëroi të gjitha të pabërat.
Por ajo që ka sjellë Van Deneste përbën një element shumë të rëndësishëm në hetimin jo vetëm të këtij grupi kriminal.
Në kontaktet që ka pasur me oficerët antitrafik shqiptarë, dedektivi belg ka bërë të ditur se Arben Frroku ka shfaqur dëshirën të pendohet dhe t’i hapet drejtësisë; t’i tregoj gjithçka, trafiqet lidhjet, por ajo që është më e rëndësishme, të gjitha segmentet e politikës shqiptare me mafian e drogës në Europë.
Siç mësohet vetë Arben Frroku i ka bërë të ditur hetuesve holandezë se familja dhe të afërmit e tij rrezikohen të vriten dhe të “kallen të gjallë” 7 breza. Ai ka kërkuar që edhe Mark Frroku ta kryejë dënimin në Belgjikë dhe jo në Shqipëri.
Në këmbim të disa kërkesave ai ka bërë të ditur se do të tregoj sekrete që do të “tundin” gjithçka në Shqipëri, pasi bëhet fjalë për bosët e vërtetë të drogës në këtë vend, të cilët janë shumë lart dhe në majat e politikës dhe ounturage-s së saj. /tesheshi.com/
