Gjashtë fëmijë nga Uganda fituan një buton të artë në Supertalent të Britanisë në mes të performancës së tyre të kërcimit. Butoni u godit nga anëtari i jurisë Bruno Tonioli, i cili kërceu me ta që në fillimet e performancës së tyre dhe ishte veçanërisht entuziast.
“Po vijmë me ugandanët dhe sonte do të kërcejmë për ju… Unë kujdesem për këta fëmijë, disa prej tyre janë jetimë dhe dua t’ua bëj jetën më të mirë”, njoftoi kujdestari i tyre në skenë.
“Ne jemi si një familje e madhe, jemi rreth 30 veta dhe komuniteti ynë na jep shumë mundësi. Ne kemi ushqim dhe rroba, shkojmë në shkollë, nëse dikush është i pakënaqur jemi të gjithë të pakënaqur, nëse dikush është i lumtur jemi të gjithë të lumtur”, thanë fëmijët para shfaqjes.
Më pas grupi i kërcimit Ghetto Kids, siç e quajnë veten të rinjtë ugandas, u ngjit në skenë dhe krijuan një spektakël të vërtetë. “Më duhet ta bëj tani”, tha Tonioli dhe i goditi butonin e artë duke shkaktuar një furi në të gjithë sallën.
Edhe anëtari normalisht shumë kërkues i jurisë Simon Cowell ishte i kënaqur. /tesheshi.com/
