Spektakli më popullor shqiptar Supersfida ka hyrë në fazën më të nxehtë të tij, duke marrë gjithnjë e më shumë përkrahjen e publikut.
Supersfida është një Mega Show, i cili sfaqet në valët e Radio Televizionit të Kosovës dhe është një spektakël modern i argëtimit dhe i transmetimit të energjisë më pozitive.
Në dallim nga debatet ku sharjet dhe fyerjet trondisin çdo natë mendjet e publikut, Supersfida sjell yjet shqiptarë të politikës apo edhe të spektaklit në mënyrën më të mirë të mundshme.
Ata garojnë në një lojë live që përcjell energji pozitive, e në radhë të parë të qeshura, muzikë dhe natyrisht mesazhe miqësore dhe jo konfliktuale.
E drejtuar nga i mirënjohuri Enis Ujkani, i cili është edhe moderator dhe producent, Supersfida sjell një skenografi magjike të ideuar nga mjeshtri i mirënjohur Agron Ujkani, një ndriçim që është ndërtuar nga duart dhe mendja e dizajnerit të ndriçimit më të famshëm në rajon Agron Mustafa, por edhe me një xhirim spektakolar të ideuar nga drejtori i fotografisë, Adonis Krasniqi.
Supersfida vë përballë njëri tjetrit në lojra dhe gara zbavitëse yjet më të njohur shqiptarë, të cilët përveçse vijnë si asnjëherë tjetër, sjellin më të mirën e tyre.
Supersfida sjell çdo të dielë argëtim pa limit, në një koncept të ndryshëm për një show që nuk godet por thjesht përfshin dhe bashkon publikuan pa asnjë dallim. /tesheshi.com/
