Roja Bregdetare greke ka finalizuar një superaksion duke kapur një gomone përplot me hashash, llogaritet në afro 2 ton, duke arrestuar njëherësh të gjithë kontigjentin njerëzor që ndodhej aty, 4 shqiptarë dhe dy italianë.
Gjithçka ndodhi në ishullin Xia, pas disa orë ndjekeje, ku thuhet se ka patur dhe shkëmbim zjarri me pasojë një të plagosur nga radhët e trafikantëve.
Thuhet paraprakisht se gomonia u nis nga brigjet në afërsi të Himarës, me itinerar Greqinë e më pas Italinë.
Bëhet fjalë për një mjet 12 metra të gjatë, me 3 motorë, me 350 kuaj fuqi secili. /tesheshi.com/
