Qindra kanë mbërritur në Ukrainë që nga fillimi i luftës, dhe sipas autoriteteve ukrainase, mijëra vullnetarë të huaj nga një sërë vendesh. Por një vëmendje të veçantë tërhoqi ardhja e një vullnetari të huaj. Ai është një snajper kanadez i njohur më mirë me pseudonimin Wali.
Wali është pseudonimi ose, siç thuhet shpesh, “nom de guerre” i një veterani misterioz të ushtrisë kanadeze me reputacion si snajperi më vdekjeprurës në botë. Kjo fjalë arabe ndryshe do të thotë “kujdestar”.
Javën e dytë të luftës, e cila filloi saktësisht një muaj më parë, u përfol se Wali 40-vjeçar la të fejuarën e tij, djalin një vjeçar dhe një punë në sektorin e IT në Montreal dhe erdhi në Ukrainë për të ndihmuar në luftën kundër rusëve.
Wali u filmua gjithashtu nga një ekip reporter i CNN në një stacion hekurudhor polak pranë kufirit me Ukrainën, rrugës për në Kiev. Ai u tha atyre se “erdhi me ftesë të një shoku që i tha se ata kishin shumë nevojë për të”.
Mediat ruse shpejt raportuan se Wali ishte vrarë.
Russia Informa gjithashtu e përshkroi atë si një racist, që s’do mundet të qëllojë rusët, sepse ata janë “të bardhë në fund të fundit”, dhe si një person i paqëndrueshëm mendërisht, duke pretenduar se ai u përpoq të vriste shokun e tij të dhomës. Por Canadian Global News raportoi një ditë më parë se Wali nuk u vra. Vetë Wali thuhet se tha se lajmi për vdekjen e tij ishte bërë publik si pjesë e një fushate propagandistike ruse.
Gjithashtu, një njësi e vullnetarëve kanadezë në Ukrainë e quajtur Brigada Norman postoi në Facebook se lajmi për vdekjen e Wali ishte i rremë dhe se ai nuk ishte as në fushën e betejës në Mariupol. Ardhja e tij në Mariupol nga Kievi do të ishte mjaft e pabesueshme edhe sepse ky qytet në bregun e detit Azov prej javësh është i rrethuar nga forcat ruse.
“Unë isha personi i fundit që mësova se kisha vdekur,” thuhet të ketë thënë Wali për Global News.
“Eshtë thjesht fake. Por mendoj se është e çuditshme sepse armiku do të humbasë besueshmërinë pas një kohe me këtë propagandë. Nuk e kuptoj pse shtyjnë gënjeshtra të tilla. Është shumë e qartë sepse pas disa ditësh dal dhe ua them të gjithëv: unë jam gjallë”, përfundoi ai. /tesheshi.com/
