Supermarketeve në Francë u është ndaluar me ligj hedhja e ushqimit të pashitur.
Dyqanet janë të detyruar prej tani e tutje që t’jua dhurojnë këto lloj ushqimesh organizatave për bamirësi.
Ky ligj u votua unanimisht nga senati francez, pas një peticioni të nisur nga këshilltari i Courbevoie, Arash Derambarsh.
Ai do të zbatohet për supermarketet me sipërfaqe prej 400 metrash katror ose më të mëdha.
Nëse kompanitë anashkalojnë ligjin, do të pësojë gjoba deri në 3750 euro.
Derambarsh tani është duke kërkuar miratimin e një ligji për të gjitha vendet e BE-së, që do t’ua ndalojë të gjitha supermarketeve hedhjen e ushqimit të mbetur.
Ai tha: “Hapi tjetër është që të kërkojmë nga presidenti François Hollande, të bëjë presion mbi Jean-Claude Juncker për të zgjeruar këtë ligj në të gjithë BE-së.
“Kjo betejë është vetëm fillimi. Ne tani duhet të luftojmë hedhjen e ushqimeve të mbetura edhe nëpër restorante, furra buke, në restorantet e shkollave dhe kompanive”. /tesheshi.com/
