Shkupi, i cili pritet të shënojë një moment historik në historinë e vet si kryeqytet ballkanik me zhvillimin në të të Superkupës së Europës mes Manchester United dhe Real Madrid, po përballet ndërkohë më realitete po ashtu të pazakonta. Një ndër to është vala e tifozerisë që do dyndet për të ndjekur përballjen e 8 gushtit mes gjigandëve të futbollit europian.
Kjo ka bërë që çmimi i fjetjes një natë në hotel, të shkojë deri në 500 euro, një gjë e pamendueshme deri dje, dhe kjo për hotele deri diku me standarte, e jo më për të rëndomta të hasura dhe periferive, ku në situatë të zakonshme mund te akomodohesh dhe për 15 euro më pak, nata.
Arkan Kerim, kryetari i i Odës së turistëve dhe hotelierëve të Maqedonisë, i është referuar për këtë realitet prenotimeve që kanë bërë tifozët e Manchëster-it.
“Këto çmime janë vetëm për ato dy ditë, pasi që për ditët e tjera kërkesat nuk janë aq të mëdha. Të gjithë këtë punë e kanë bërë fansat e Manchester United-it, pasiqë ata i rritën çmimet e hoteleve në Shkup dhe rrethinë. Kanë bërë rezervime në hotele të cilat gjenden edhe 100 km larg Shkupit. 5 mijë fansat e kësaj skuadre kanë bërë rezervime edhe për banesa dhe apartamente”, tha Kerim.
Sipas tij t, fansat e të dy ekipeve kanë nga 5 mijë karta, por ndërsa Maqedonia nuk ka kapacitet që t’i plotësojë kërkesat për akomodim të gati 10 000 sosh. Kerim thotë se fansat e Realit do të arrijnë në Shkup në mëngjes dhe do të largohen në mbrëmje pasi që nuk kanë se ku të qëndrojnë. Ndërsa sa i përket konrigjenteve të tjera njerëzore të lidhura me ndeshjen, ai sqaron.
“UEFA cakton se kush ku do të qëndrojë. Për shembull, krerët e saj do të qëndrojnë në hotelin Marriot, përfaqësuesit e mediave në hotelin PARK, përfaqësuesit e Manchester-it në TÇ PLAZZA ndërsa ata të Real Madridit në AleksandarPalace. UEFA ka vendosur që të jetë kështu dhe nuk ka asnjë problem. Shpresojmë që mungesat e theksuara nga UEFA do të zgjidhen”, shtoi Kerim.
Kështu, veç halleve të mëdha që do i shkaktojë përballja e 8 gushtit, Shkupi do përjetojë dhe një moment sadisfaksioni sportiv, por dhe të një bumi të ardhurash. /tesheshi.com/
