Superjahti Axiom, me vlerë 63 milionë paund britanikë (75 milionë dollarë amerikanë), u hodh në ankand pasi Britania e Madhe, Bashkimi Evropian dhe Shtetet e Bashkuara sanksionuan pronarin e saj, oligarkun rus Dmitry Pumpyansky.
Jahti u sekuestrua nga autoritetet britanike në Gjibraltar në mars, pasi banka amerikane JP Morgan tha se pronari i anijes, Pumpyanski, kishte mospaguar një hua prej 17 milionë paund (20 milionë dollarë).
Anija prej 72.5 metrash do të dalë në ankand në Gjykatën e Admiralitetit të Territoreve Britanike të Jashtme të martën dhe besohet të jetë anija e parë luksoze e konfiskuar që shitet në ankand që nga vendosja e sanksioneve ndaj rusëve të pasur për luftën në Ukrainë.
Shitet nën vlerë
Jahti Axiom ka gjashtë kabina dyshe me hapësirë shtesë për 20 anëtarë të ekuipazhit, pishinë, xhakuzi, spa, kinema 3D, ski jet dhe pajisje zhytjeje.
Besohet se anija do të shitet për më pak se vlera e parashikuar, duke qenë se do të jetë në ofertë vetëm për një ditë, ku paratë më pas nga shitja do të transferohen në llogarinë bankare të JP Morgan.
Pumpyanski, pasuria personale e të cilit vlerësohet në 1.84 miliardë paund, është pronar dhe kryetar i OAO TMK, një kompani që prodhon tuba çeliku për llogari të Gazprom. /tesheshi.com/
