Përkrahësit e liderit politik me ndikim shiit, Muqtada al-Sadr, hynë të shtunën në “zonën e gjelbër” në Bagdad, e cila është nën masa të forta sigurie dhe ku janë vendosur qeveria dhe ambasadat irakiane, raporton AFP.
Pasi hynë në “zonën e gjelbër”, protestuesit morrën “udhën drejt ndërtesës së parlamentit”, tha një burim i sigurisë. Një fotograf i AFP-së pa grupe protestuesish, disa që mbanin flamuj irakianë, duke vrapuar nëpër rrugët në atë sektor.
Mijëra mbështetës të Muqtada al-Sadr u mblodhën në qendër të Bagdadit të shtunën, të pakënaqur me kandidaturën për kryeministër të Mohammed Shija al-Sudani, të cilin ata e konsiderojnë të afërt me ish-kryeministrin Nouri al-Maliki, armik të Sadrit.
Kulmi i krizës politike
Për shkak të paralajmërimit të tubimit, forcat e sigurisë mbyllën disa rrugë kryesore në kryeqytet që të çojnë në “zonën e gjelbër”. Ata u përpoqën të shpërndanin protestuesit me gaz lotsjellës dhe topa uji në afrimet e sektorit.
Të paktën 26 protestues u plagosën për shkak të thithjes së gazit lotsjellës dhe rënies nga gardhet e larta të betonit të vendosura për të ndaluar kalimin e protestuesve, shtoi burimi. Shtatëmbëdhjetë pjesëtarë të forcave të sigurisë u goditën me gurë të hedhur mbi ta nga protestuesit, tha i njëjti burim.
Të mërkurën, mijëra mbështetës të Sadrit pushtuan të ashtuquajturin “zona e gjelbër”, me synimin për të eliminuar kandidaturën e Sudanit, 52 vjeç, ish-ministër dhe guvernator i provincës.
Kriza politike është në kulmin e saj në Irak, i cili është ende në pritje të emërimit të një presidenti dhe kryeministri të ri, dhjetë muaj pas zgjedhjeve parlamentare të mbajtura në tetor 2021. /tesheshi.com/
