Protestat në Rusi kundër rrëzimit të avionit rus janë kthyer në sulm ndaj ambasadës turke në Moskë.
Protestuesit e mbledhur përpara ambasadës turke në Moskën sulmuan ndërtesën me gurë.
Si pasojë e sulmit të protestuseve që hodhën slogane ndaj Turqisë, u thyen edhe xhamat e dritareve.
Sekretari i medias së ambasadës turke, Orhan Gazigil, në deklaratën që bëri në lidhje me sulmin, tha se përpara ambasadës nuk ishin marrë masat e duhura të sigurisë.
“Rrugica përpara ambasadës mund të mbyllej plotësisht, por policia ruse nuk e bëri një gjë të tillë. Dhe ambasada jonë si pasojë u dëmtua” tha Gazigil.
Avioni luftarak i tipit SU-24, që u paralajmërua 10 herë brenda 5 minutave është qëlluar nga avionët luftarakë turq F-16 dhe u rrëzua në zonën Bajërbuxhak të Sirisë, afër kufirit të Turqisë me Sirinë, në kuadër të rregullave të angazhimit për arsye se avioni kishte shkelur hapësirën ajrore turke.
Rusia pranoi se ishte avioni i saj por nuk pranoi shkeljen e hapësirës ajrore turke, kurse NATO konfirmoi se informacionet e Turqisë ishin të sakta.
Edhe në muajin tetor, avionët rusë kishin shkelur hapësirën ajrore turke dhe Rusia pasi kishte kërkuar falje kishte bërë të ditur se një gjendje e ngjashme nuk do të përsëritej përsëri.
Ndërkaq Turqia kishte ripërsëritur se do të zbatonte rregullin e angazhimit në rast të shkeljes së hapësirës ajrore.
/tesheshi.com/
