Një sulm ajror i regjimit sirian që kishte si shënjestër një konvoj ushtarak turk ka vrarë tre civilë, njoftojnë autoritetet turke.
Sipas tyre, përveç tre viktimave mbetën edhe 12 persona të plagosur. Ngjarja ka ndodhur në rajonin e kontrolluar nga forcat kryengritëse, në Idlib.
Idlibi është një nga zonat e pakta që nuk është nën kontrollin e regjimit, ndërsa është nën mbrojtjen e Turqisë pasi konsiderohet si zonë “tampon”.
Sado që ka një marrëveshje mes regjimit, Turqisë dhe Rusisë, forcat e Assadit po kryejnë sulme ndaj civilëve, duke i intensifikuar ato që nga prilli. Qindra civilë tashmë janë vrarë si rezultat i tyre, dhe ka frikë shumë më tepër civilë do të pësojnë nëse situata vazhdon të përshkallëzohet.
Pse po dërgon Turqia konvoje në Siri?
Turqia, e cila mbështet disa, por jo të gjithë, rebelët, ka forca në Idlib si pjesë e marrëveshjes së vitit të kaluar me Rusinë.
Sipas Naji Mustafa, një zëdhënës i grupit rebel të Frontit Nacionalçlirimtar, autokolona po shkonte në një nga pikat e saj të vëzhgimit me “përforcime” kur ndodhi sulmi.
Një korrespodent i AFP i cili pa autokolonën raportoi aty ishin rreth 50 automjete të blinduara, ku të paktën pesë prej tyre ishin tanke. /tesheshi.com/
