Një gjykatë turke ka dënuar me burg 17 të dyshuarit për sulmet terroriste me bombë të së martës së shkuar, në aeroportin kryesor të Stambollit, ku ngelën të vdekur 45 persona dhe u plagosën qindra të tjerë.
17 personat që janë mbajtur në burg akuzohen për “pjesëmarrje në organizatë të armatosur terroriste”.
Policia dyshon se sulmet terroriste të së martës së kaluar në aeroportin Ataturk të Stambollit janë kryer nga pjesëtarë të organizatës ISIS.
Tre kamikazët hapën zjarr duke krijuar panik në brendësi të aeroportit, përpara se dy prej tyre të hidhnin veten në erë. Kamikazi i tretë shpërtheu bombën e vendosur në trupin e tij në hyrje të aeroportit.
Siç raporton Anadolu, dy nga personat që hodhën veten në erë dyshohet të jenë me nacionalitet rus, ndërsa policia turke nuk e ka komentuar këtë raport, por ka thënë se terroristët ishin rusë, uzbekë dhe me nacionalitet kirgistanez. /tesheshi.com/
