Nëna e dy djemve, 25-vjeçarja Jordan Anchondo është një nga viktimat e një sulmi në El Paso të Teksasit, ndodhur të shtunën.
Jordan e gjeti veten me të vegjlit e saj në një dyqan të qendrës tregtare Wall Mart në momentin kur sulmuesi filloi të gjuante me armë në turmë. Ajo ishte aty për të blerë çfarë u duhej për vitin e ri shkollor.
Dhe, në ato çaste, me instiktin e fuqishëm të nënës, Jordan ka qenë në gjendje të ruajë jetën e djemve të saj, por jo edhe të sajën. Ajo vdiq në spital për shkak të plagëve.
Motra e saj, Leto Jamrowski tregoi se çfarë i kishte ndodhur.
“Kur nisën të shtënat, ajo kishte njërin djalë në krah. Ajo ra mbi të, duke thyer një kockë të tij por që i shpëtoi jetën”, tha ajo.
Aja gjithashtu tha se dhe burri i Jordanit, Andre, ka vdekur, pasi nuk ka qenë në kontakt me të që prej sulmit. Andre dhe Jordan kohët e fundit festuan përvjetorin e parë të martesës.
Sulmi, i cili vrau të paktën 20 dhe plagosi 26 njerëz, u krye nga 21-vjeçari Patrick Cruisius, i cili tashmë është nën hetim lidhur me arsyet. /tesheshi.com/
