Dy ditë pas shpërthimit që ndodhi pranë stadiumit në Stamboll, numri i viktimave është rritur. Sipas ministri turk të Shëndetësisë, Recep Akdag bilanci ka shkuar në 44 viktima, nga të cilët 36 janë policë dhe 8 civilë.
“Shkaktari i këtij sulmi të pabesë që na ka djegur zemrat të gjithëve dihet. Mallkoj organizatën e ulët terroriste PKK dhe mbështetësit e saj”, është shprehur ministri.
Ndërkohë, ekipet e anti-terrorizmit të policisë turke kanë kryer kontrolle, për të vënë autorët përballë përgjegjësisë. Operacionet janë përqëndruar në Stamboll, Ankara, Adana, Manisa, Hakkari, Gaziantep dhe në Mersin dhe janë ndaluar 199 persona, mes tyre edhe drejtuesin e HDP-së (Partia Demokratike e Popujve), İbrahim Binici.
Ata akuzohen për “anëtarësim në organizatës terroriste PKK/KCK”, ndërsa urdhër arresti është dhënë edhe për rreth 50 persona të tjerë.
Një ditë më parë grupi militant kurd TAK ka marrë përgjegjësinë e shpërthimit vdekjeprurës dhe se objekti i sulmit ka qenë një autoblindë policie./tesheshi.com/
