Një ditë pas sulmit terrorist pranë stadiumit të Stambollit, grupi militant kurd TAK ka marrë përgjegjësinë e shpërthimit vdekjeprurës. Lajmi është konfirmuar nga vetë TAK, përmes një njoftimi në faqen e tyre zyrtare.
Objekt i sulmit ishte një autoblindë policie, ku si pasojë humbën jetën 38 persona dhe 155 të tjera janë plagosur.
Ky grup militantësh mori përsipër edhe një tjetër sulm në Ankara, ndodhur në 13 mars të këtij viti. Gjatë këtij sulmi u shënuan 37 të vdekur e qindra të plagosur.
TAK është një degë e Partisë së ndaluar të Punëtorëve të Kurdistanit, me të cilën pretendon se është ndarë. Pas një periudhe të gjatë qetësie, PKK-ja i riaktivizoi në mesin e vitit të shkuar sulmet terroriste, e që prej asaj periudhe ka një përplasje të vazhdueshme mes saj dhe forcave turke të sigurisë. /tesheshi.com/
