Autori i vrasjes së dy grave me thikë pranë stacionit kryesor të trenit në Marsejë të Francës ishte liruar nga paraburgimi një ditë para se të kryente krimin. Ai ishte ndaluar nga policia për grabitjen e një dyqani.
Autori ka përdorur shumë identitete të rreme në një seri arrestimesh të kaluara, njoftojnë zyrtarët francezë.
Autoritetet franceze janë duke e hetuar telefonin celular të të dyshuarit dhe po punojnë për të gjetur, nëse ai kishte bashkëpunëtorë apo lidhje të drejtpërdrejta me grupe terroriste.
Agresori u vra nga ushtarët francezë menjëherë pas sulmit.
I dyshuari u identifikua nga shenjat e gishtave, të cilat u përputhen me ato gjatë arrestimeve të fundit, sipas dy oficerëve të policisë, raporton AP.
Ai nuk ndodhej në listën e ekstremistëve të Francës, sipas zyrtarëve.
Ai nuk kishte dokumente franceze qëndrimi dhe u arrestua nën dyshimin për grabitjen e një dyqani në Lyon të shtunën në mbrëmje, para se të lirohej, sipas policisë franceze. /tesheshi.com/
