Sulmi në Manastir ndaj Alfabetit shqip, BESA: akt qyqar!

Në ditën e mësuesit 7 marsin, disa huliganë maqedonas kanë sulmuar dhe demoluar Muzeun e Alfabetit në Manastir. Sulmi ndaj Shtëpisë së Alfabetit është kryer me koktej molotovi, ndërsa të gjitha dritaret e muzeut janë thyer, derisa kati i sipërm është përfshirë nga flakët, por pa dëme të konsiderueshme.

Vendi i ngjarjes që nga mëngjesi është rrethuar nga pjesëtarë të policisë, të cilët ndalojnë çdo qasje afër Shtëpisë.

Sipas informatave të MPB-së, kanë qenë 4 persona të masakruar të cilët e kanë demoluar Shtëpinë e Alfabetit.

Informatat policia i ka marrë nga kamerat e sigurisë, ndërsa si provë materiale është gjetur edhe shishja që ka pas koktej molotovi.

Kjo nuk është hera e parë që sulmohet dhe demolohet Shtëpia e Alfabetit në këtë qytet.

Ndaj këtij akti vandal deri tani prej partive politike shqiptare në Maqedoni kanë reaguar vetëm Lëvizja BESA. Ata e dënojnë ashpër tentativën për djegien e Shtëpisë së Alfabetit në Manastir duke e cilësuar këtë akt vandal si një provokim për 7 mars, ditën e mësuesit, festë kjo shumë e rëndësishme mbarëshqiptare.

“Ky akt qyqar, dhe kjo gjuhë e urrejtjes kundër shqiptarëve me të cilën po përballemi kohën e fundit, nuk i kontribuon aspak bashkëjetesës dhe kohezionit ndëretnik në Maqedoni, si një shoqëri multietnike. Apelojmë deri te organet e rendit që në afat sa më të shkurtër ta zbardhin rastin dhe këta vandalë ta marrin dënimin e merituar. Njëherit apelojmë deri te qytetarët për qetësi dhe gjakftohtësi në këtë periudhë shumë të ndjeshme”, thuhet në reagimin e BESËS. /tesheshi.com/