Janë 8 të vdekur nga e 15 të plagosur nga incidenti në Manhatan, ku një person sulmoi me kamionçinë kalimtarë të thjeshtë e biçiklistë, ku viktimat më të sshumtë ishin nga këta të fundit, 5 prej tyre miq të përbashkët nga Argjentina. Vendi ku ndodhi sulmi ishte pikërisht një rrugë e destinuar për këmbësorë dhe njerëz që ecin me biçikletë.
Është bërë i ditur dhe identeti i autorit, një 29-vjeçar uzbek i quajtur Sayfullo Habibullaevic Saipov, të cilit mediat e shumta i kanë vënë në gojë dhe frazën e njohur “Allahu Ekber”, duke e klasifikuar kështu si vepër të ISIS-it. Megjithatë, ai ka mundur t’u mbijetojë të shtënave të policisë dhe ky është i pari rast ndër sulme të ngjashme, ku autori do mund të japë llogari.
I menjëhershëm ka qenë reagimi i presidentit Trump, ku me anë të një mesazhi në Twitter e ka quajtur autorin “individ të sëmurë e me çrregullime të thella”.
“Nuk duhet të lejojmë që ISIS të kthehet apo të hyjë në vendin tonë pasi e kemi mposhtur ne Lindjen e Mesme dhe gjetkë. Mjaft më”, thuhet më tej nga Trump. Gjithashtu, presidenti Trump ka paralajmëruar shtim të masave të sigurisë pas këtij rasti, pa u specifikuar ende se për ç’masa konkrete bëhet fjalë. /tesheshi.com/
