Arabia Saudite i kishte kërkuar prej kohësh Berlinit që të ekstradojë autorin e sulmit vdekjeprurës në tregun e Krishtlindjeve në Magdeburg, tha së fundi një burim qeveritar në Riad.
“Kishte një kërkesë ekstradimi,” tha burimi i paidentifikuar, duke shtuar se Riadi kishte paralajmëruar vazhdimisht Berlinin se i dyshuari, Taleb Jawad al-Abdulmohsen, “mund të ishte i rrezikshëm”, pa elaboruar psenë e kërkesës për ekstradim ose për profilin e tij.
Që prej të premtes mbrëma janë shtuar pikëpyetjet lidhur me motivet e psikiatrit saudit dhe për mangësitë në mobilizimin e autoriteteve pavarësisht mesazheve shqetësuese që ai dërgon prej vitesh.
Sipas Der Spiegel, shërbimet sekrete saudite kishin paralajmëruar kolegët e tyre në BND gjermane për Jawad al-Abdulmohsen një vit më parë. Në qendër të vëmendjes është një nga postimet e tij në Tëitter, me të cilin ai kërcënoi Gjermaninë se do të paguante një “çmim” për trajtimin e refugjatëve sauditë.
Ky paralajmërim mbeti pa përgjigje, ndërkohë që në të njëjtën kohë sauditi ishte i mbyllur në skenarë konspirativ dhe akuzoi Gjermaninë se nuk i mbronte sauditët që iknin nga Islami dogmatik, ndërsa në të njëjtën kohë mirëpret muslimanët radikalë. /tesheshi.com/
