Presidenti amerikan, Donald Trump, ka reaguar pas sulmit tragjik në Las Vegas ku mbetën të vdekur të paktën 58 persona dhe u plagosën të paktën 515 të tjerë.
Trump e cilësoi masakrën në koncertin në Las Vegas si një veprim të së “keqes absolute”.
Duke folur nga Shtëpia e Bardhë, ai tha se “vendi po ndjente dëshpërim, tronditje dhe pikëllim”.
Trump vlerësoi përpjekjet e policisë, të cilat lokalizuan gjuajtësin në katin e 32-të të një hoteli dhe arritën në dhomën e tij brenda pak minutash.
“Shpejtësia me të cilën ata vepruan ishte e mrekullueshme dhe parandaluan humbje të tjera jetësh”, tha presidenti amerikan.
Trump deklaroi gjithashtu se do të shkojë të mërkurën në Las Vegas, por në asnjë çast të fjalimit nuk përmendi çështjen e ligjit mbi shitjen e armëve. /tesheshi.com/
