Naim Bazaj, kryetari i kuvendit komunal të Drenasit, është marrë në pyetje nga departamenti i krimeve të rënda i policisë pas akuzave që ka bërë Ramiz Lladrovci në sulmin ndaj tij.
Nazim Mehmeti, avokati i Bazajt, ka thënë se klientit të tij po i behët presion për shkak të paralajmërimeve të tij.
“Ky është presion i policisë dhe prokurorisë që po i bëhet Naim Bazajt për shkak të paralajmërimit të tij se ka fakte të shantazhit që Lladrovci ka bërë ndaj presidentit Hashim Thaçi”, tha Mehmeti për “Insajderin”.
Bazaj ka paralajmëruar se brenda pak ditësh do të bëj publike disa fakte ku Lladrovci kërcënon haptas presidentin Hashim Thaçi dhe kryetarin e PDK-së, Kadri Veseli. /tesheshi.com/
