Frashër Krasniqi nga Lëvizja Vetëvendosje, i akuzuar për sulm ndaj Kuvendit të Kosovës, ka bërë të ditur se përgjigja që ka ardhur nga FBI pas analizimit të materialit të dërguar nga Prokuroria tregon qartë se asnjë imazh i individëve, Adea Batusha, Egzon Haliti, Atdhe Arifi dhe i tij nuk është gjetur në video-materialet e dorëzuar nga Prokuroria.
Krasniqi në rrjetin social Facebook shkruan se tashmë edhe FBI vërtetoi pafajësinë e tyre.
“Përgjigjia që erdhi sot nga FBI pas analizimit të materialeve të dërguara nga Prokuroria në lidhje me rastin e montuar kundër nesh, thotë në mënyrë të qartë se “asnjë imazh i individëve në fjalë (pra imazheve tona), nuk është gjetur në videomaterialet e dorëzuara (nga Pokuroria)”, shkruan Krasniqi. /tesheshi.com/
