Sulmi i mbrëmshëm mbi godinën e Kuvendit të Kosovës, që mendohet të jketë kryer me antitank, po dënohet pothuajse prej të gjitha subjekteve politike, edhe nga ato që muaj më parë mbillnin kaos brenda sallës së saj gjatë kundërshtimit të “Zajednicës”, siç ishte Vetëvendosje. Kjo forcë politike ka reaguar duke thënë se “akte të tilla të papranueshme nuk i bëjnë mirë kurrfarë kauze. Ne ftojmë këdo që është kundër rrjedhave politike të vendit tonë të bashkohet në protestat paqësore, qytetare dhe publike sepse vetëm përmes aktiviteteve të tilla do të mund ta ndryshojmë gjendjen në Kosovë”.
Sakaq, Kryetari i Kuvendit të Kosovës, Kadri Veseli ka reaguar për sulmin e mbrëmshëm në Kuvend, duke e quajtur atë si “një sulm kriminal, me elemente të veprimit terrorist, i drejtuar kundër institucioneve dhe popullit të Kosovës:.
“Si motivuesit, ashtu edhe kryesit e këtij sulmi tinëzar, duhet ta kenë të qartë se asnjë formë e dhunës, as metodat e frikësimit, nuk do të munden kurrë të ndalojnë agjendën e fuqizimit dhe konsolidimit të shtetit tonë”, tha Veseli. /tesheshi.com/
