Edhe pse kanë kaluar disa orë nga incidenti i ndodhur në Selanik, autoritetet greke ende nuk kanë gjetur autorët.
Konsullata turke në Selanik është sulmuar me bomba Molotov nga persona të maskuar.
Këtë e ka bërë të ditur agjencia e lajmeve publike e Greqisë Ana-MPA. Selaniku është vendi ku ka lindur themeluesi i Republikës Turke, Mustafa Qemal, i quajti “Ataturku”.
Sipas informacionit të marrë nga autoritetet e Konsullatës së Përgjithshme, një pjesë e lëndës së hedhur ka goditur murin e ndërtesës ndërkohë që bëhet e ditur se nuk ka të plagosur.
Bëhet e ditur se autoritetet greke kanë filluar hetimin në lidhje me këtë ngjarje.
Ndërkaq, kabina e policit që ndodhet përpara Konsullatës së Përgjithshme turke në Selanik, është sulmuar disa herë edhe më parë. /tesheshi.com/
