Në fillim të javës, Jusuf Abdulhamidi, një banor i Han Shejhunit në provincën e Idlibit në Siri, kishte një familje të tërë, gruan, fëmijët, vëllezërit, të afërmit, miqtë. Sot, ai, një fatkeq, nuk ka asgjë…
Sulmi kimik për të cilin akuzohet regjimi sirian i mori gjithçka, më së pari dy binjakët e vegjël, të cilët i futi në dhé me duart e veta.
Aja dhe Ahmedi pa jetë në krahët e tij, një fotografi rrëqethëse që qarkulloi me shpejtësi marramendëse
në tërë botën, ishin dhe janë dëshmia më e fundit e një tragjedie që po vijon prej vitesh jo shumë larg nesh.
Dy binjakët nëntëmuajsh nuk ia dolën në luftën me regjimin e Esadit, nuk ia dolën as të prisnin autoambulancat e dërguara nga Turqia për t’u ardhur në ndihmë, por babai i tyre gjeti ngushëllim më së paku duke u pritur nga presidenti turk.
I dërrmuar nga dhimbja, Jusuf Abdulhamid ka puthur në ballë mikpritësin, Rexhep Tajjip Erdoganin.
“Shpresa e vetme e sirianëve është vëllai ynë Rexhep Tajjip Erdogan; shpresojmë që bota ta marrë mesazhin tonë,” janë fjalët e njeriut që humbi gjithçka ditë më parë prej sulmit kimik. /tesheshi.com/
