Sekretari amerikan i Mbrojtjes Mark Esper ka lëshuar një urdhër për të pezulluar lëvizjen e të gjithë trupave amerikane jashtë vendit për deri në 60 ditë.
Esper i tha Reuters qëllimi është të kufizojë përhapjen e koronavirusit nëpër radhët e ushtrisë.
Ai gjithashtu theksoi se urdhri vlen për të gjitha forcat amerikane, personelin civil dhe familjet e tyre, por vuri në dukje se do të ketë përjashtime.
Ai përmendi tërheqjen e trupave amerikane nga Afganistani si një shembull, i cili sipas tij do të vazhdojë.
Zyrtarë të lartë të Pentagonit thanë të martën se përhapja e koronavirusit në SHBA mund të zgjasë muaj, dhe se ushtria do të vazhdojë të ndihmojë luftën kundër tij.
“Unë mendoj se duhet të planifikojmë që kjo të zgjasë disa muaj, dhe do të marrim çdo masë paraprake për ta bërë atë,” tha Esper.
“Jam plotësisht i bindur që në fund të ditës, në hapësirën prej disa muajsh, ne do ta tejkalojmë këtë,” përfundoi ai. /tesheshi.com/
