Sulmet huthi ndaj Saudisë, Biden: Mbretëria na ka ne!

Në një bisedë telefonike me mbretin saudit Salman bin Abdulaziz Al Saud, presidenti amerikan Joe Biden diskutoi një sërë çështjesh, duke përfshirë sulmet e anëtarëve të lëvizjes rebele jemenase Huthi ndaj mbretërisë,.

Shtëpia e Bardhë tha se të dy udhëheqësit diskutuan zhvillimin rajonal dhe çështjet me interes të përbashkët, si dhe çështjet e Lindjes së Mesme dhe Evropës.

“Presidenti theksoi angazhimin e SHBA për të mbështetur Arabinë Saudite në mbrojtjen e popujve dhe territoreve nga këto sulme dhe mbështetjen e plotë për përpjekjet e udhëhequra nga Kombet e Bashkuara për t’i dhënë fund luftës në Jemen”, thuhet në deklaratë.

Shtohet se Biden theksoi angazhimin e tij se Irani nuk do të ketë kurrë armë bërthamore dhe e informoi mbretin për negociatat e vazhdueshme shumëpalëshe për rivendosjen e kufizimeve në programin bërthamor të Iranit.

“Të dy liderët ranë dakord që ekipet e tyre do të qëndrojnë të koordinuara ngushtë gjatë javëve dhe muajve të ardhshëm”, thuhet në deklaratë.

Ata përsëritën angazhimin e Shteteve të Bashkuara dhe Arabisë Saudite për të garantuar stabilitetin e furnizimeve globale të energjisë.

Rebelët Huthi kanë intensifikuar sulmet me dronë dhe raketa në Arabinë Saudite dhe Emiratet e Bashkuara Arabe gjatë javëve të fundit, duke thënë se sulmet ishin një përgjigje ndaj një sulmi të koalicionit në Jemen. Një koalicion i udhëhequr nga Arabia Saudite po lufton kundër huthinjve që nga viti 2015, një vit pasi rebelët pushtuan pjesën më të madhe të Jemenit, duke përfshirë kryeqytetin Sanaa.

Sakaq, të paktën 12 persona u plagosën në një tentativë sulmi me dron në Aeroportin Ndërkombëtar Abha në Arabinë Saudite jugperëndimore.

Koalicioni pro-saudit për ndërhyrje dhe mbështetje për qeverinë jemenase të njohur ndërkombëtarisht tha se mbrojtja ajrore saudite kapi dhe shkatërroi një dron që lëvizte drejt aeroportit Abha. /tesheshi.com/