Pas armëpushimit midis pushtimit të Izraelit dhe Hamasit, shumë media arabo-palestineze dhe analistët botuan analiza të pasojave të sulmit të fundit zionist në Gaza. Përveç shkatërrimit të tmerrshëm të Gazës dhe infrastrukturës së saj dhe vrasjes së rreth 250 civilëve, përfshirë 66 fëmijë, ka analiza interesante që rendisin sukseset që palestinezët kanë arritur pas sulmeve sioniste në Gaza.
Një prej këtyre analizave përmend sukseset e mëposhtme të udhëheqjes palestineze dhe luftëtarëve palestinezë:
– Parandalimi i inkursioneve sioniste në Xhaminë Al-Aksa.
– Parandalimi i dëbimit të banorëve nga vendbanimi Sheikh Jarrah.
– Mbyllja e derës ose portës “Mughrabi” (Bab al-Mughrabi – Porta e Plehut), një nga portat kryesore në Jeruzalem, para emigrantëve hebrenj, që është një precedent i vërtetë.
– Rimendimi i çështjes palestineze në nivelin ndërkombëtar.
– Parandalimi i izolimit të çdo qyteti.
– Policia pushtuese është e detyruar të lëvizë me uniforma civile dhe midis tyre ekziston një panik i vërtetë.
– Fryma patriotike është rikthyer midis palestinezëve në nivelin kombëtar, domethënë, në nivelin e tërë territorit të okupuar palestinez.
– Ringjallja e mbështetjes dhe solidaritetit të paparë global.
– Palestinezët arritën të hedhin poshtë gënjeshtrat e pushtuesit sionist përmes rrjeteve sociale.
– Zbulimi i krimeve të okupimit.
– Konflikti provoi se mburoja “Kupola e Hekurt” u bë një sit për raketat nëpër të cilat kaluan qindra predha.
– Ngjarjet e fundit kanë treguar se kohezioni kombëtar dhe distancimi nga fryma fraksionale është gjëja më e rëndësishme (anëtarët e popullit palestinez në Gaza, Bregun Perëndimor, Jeruzalem, brenda Izraelit dhe diasporës janë mobilizuar në një mënyrë që nuk mbahet mend për dekada. Palestinezët po punojnë për një qëllim dhe ai është çlirimi nga prangat e regjimit izraelit të shtypjes. Së bashku ata ngritën një kryengritje në përgjigje të kufizimeve në rritje të vendosura ndaj tyre nga Izraeli në Jeruzalem dhe në kundërshtim me planin për të dëbuar vëllezërit e tyre te Vendbanimet Sheikh Jarrah).
– Palestinezët besojnë se pas sulmeve të fundit sionistë në Gaza, “Marrëveshja e Shekullit” e Trump dështoi përgjithmonë.
– Supremacia ushtarake kundrejt epërsisë morale dukshëm po zvogëlohet.
Here's a summary of the achievements of the #Palestinian resistance in #Gaza during the recent round of fighting with the occupying state of Israel. pic.twitter.com/XTomxI2qTn
— Quds News Network (@Qudsn_en) May 22, 2021
Humbjet ekonomike izraelite në luftën kundër Gaza-s, më shumë se dy miliardë dollarë
Portali izraelit Ynet publikoi një analizë ku thuhej se humbjet ekonomike izraelite pas agresionit në Rripin e Gazës tejkaluan dy miliardë dollarë.
Sipas treguesve aktualë, këto humbje janë shumë më keq sesa humbjet e shkaktuara si rezultat i agresionit izraelit në Gaza në 2014, kur ekonomia izraelite humbi 0.3% të PBB-së në 51 ditë konflikt.
Rabin dr. Donniell Hartman: Pse Izraeli e humbi luftën?
Raketat e Hamasit kishin për qëllim disa objektiva ushtarake dhe ekonomike izraelite, përfshirë platformën e gazit Tamar dhe Aeroportin Ben Gurion. Gjithashtu, për shkak të sulmeve të shpeshta me raketa nga Rripi i Gazës mbi qytetet izraelite, të tilla si Tel Aviv, ose për shkak të bllokadave disa ditore të atyre qyteteve, u regjistrua një humbje e madhe.
Pavarësisht se sa milje tunele të Hamasit shkatërroi Izraeli dhe pa marrë parasysh sa vite parandalimi mori Izraeli para se Hamasi të rimarrtë fuqinë e tij ushtarake, një gjë është e qartë: Izraeli humbi dhe Hamasi fitoi.
Kjo u konkludua nga rabini izraelit dr. Donniell Hartman në tekstin e tij në portalin e gazetës izraelite The Times of Israel, në të cilin paralajmëroi se miqtë izraelitë në të gjithë botën ndiejnë shqetësim në rritje për legjitimitetin e kërkesave izraelite dhe hasin vështirësi për t’ua shpjeguar atë të tjerëve, veçanërisht fëmijëve të tyre.
Kryeredaktor i Haaretz: Operacioni ushtarak më i pasuksesshëm dhe më budalla kundër Gaza-s
Aluf Benn, kryeredaktor i gazetës izraelite Haaretz, e përshkroi agresionin në Gaza si luftën më të pasuksesshme dhe budallaqe të zhvilluar nga Izraeli. Ai beson se Izraeli ka treguar dobësi të shumta, veçanërisht në vlerësimin e inteligjencës të forcës së Hamasit.
“U bë e qartë se ushtria izraelite nuk kishte ide se si të paralizonte dhe neutralizonte aftësitë e Hamasit,” shkroi Aluf Benn. Si një dështim i veçantë, Aluf Benn deklaron se Izraeli nuk ka arritur të mbrojë Tel Avivin, një qytet që deri më tani është mbrojtur nga sulmet, pasi kësaj here Hamas arriti të godasë objektivat me raketat e tij edhe në kryeqytetin izraelit. /tesheshi.com/
