Teksa vëmendja e opionionit publik ndërkombëtar është zhvendosur në ngjarje të tjera, në Siri, posaçërisht në Halep, vijon të luftohet.
Katër spitale dhe një bankë gjaku janë goditur në 24 orët e fundit nga sulmet ajrore të regjimit të Beshar Esadit, duke pushuar së funksionuari për momentin.
Bombardimet lanë të vdekur një foshnje të porsalindur në një spital në pjesën e rrethuar lindore të Halepit.
Kjo nuk është hera e parë që goditen spitalet në Halep, ndërsa edhe në të shkuarën ka patur sulme shkatërruese mbi to.
Forcat qeveritare kanë rrethuar prej më shumë se 15 ditësh gjysmën lindore të qytetit, në përpjekje për të marrë kontrollin nga rebelët.
Siç lajmëron Al Jazeera, sulmet ajrore u kryen vetëm pak orë para se qeveria e regjimit sirian të deklaronte se ishte e gatshme për bisedime me opozitën për gjetjen e një zgjidhjeje për konfliktin pesëvjeçar. /tesheshi.com/
