Mbi 10 rë vdekur e 5 të plagosur është bilanci i një sulmi ndaj dy lokaleve për nargjile, të atilla që frekuentoheshin më së shumti nga komuniteti turk. Ngjarja e rëndë ndodhi në Hanau, qytet në perëndim të Gjermanisë.
Një nga të dyshuarit si autor u gjet i vdekur në shtëpinë e tij, tha policia, disa orë pasi sulmet u kryen brenda dhe jashtë dy lokaleve në fjalë.
Një trup tjetër u gjet në të njëjtën adresë si trupi i të dyshuarit, por policia nuk dha më shumë detaje.
Agjensitë përcjellin informacionin e policisë duke sugjeruar se sulmuesi kreu vetëvrasje në shtëpinë e tij pasi u largua me një makinë të errët, por motivi i sulmit është i paqartë.
Bild shkruan se burri ishte një shtetas gjerman.
Kryetari i Bashkisë së Hanau, Claus Kaminsky, tha se ishte “një mbrëmje që nuk mund të jetë më e keqe në imagjinatë”.
“Kjo është një natë e tmerrshme, e cila me siguri do të na shoqërojë për një kohë të gjatë. Do të jetë në kujtimet tona për një kohë të gjatë,” i tha ai Bild.
Hanau është një qytet me rreth 100,000 banorë, 25 kilometra në lindje të Frankfurtit. /tesheshi.com/
