Një person është ekzekutuar nga policia britanike teksa ka tentuar të hyjë në Dhomën e Komunave të Parlamentit britanik.
BBC bën të ditur agresori ka gjuajtur me thikë një oficer policie, përpara se të qëllohej për vdekje.
Oficeri, dyshohet të ketë humbur jetën, pasi trupi i tij është mbuluar.
Gjithashtu edhe një grua humbi jetën në këtë ngjarje, ndërsa më shumë se 10 persona janë plagosur pasi u goditën me automjetin e vrasësit në urën “Westminster”, që raportohet se drejtohej drejt turmës së këmbësorëve dhe çiklistëve.
Tri trupa dukeshin qartë të shtrirë jashtë Parlamentit, ndërsa ndërtesa është rrethuar dhe mbyllur me urgjencë.
Kryeministrja Theresa May është futur në një makinë nga një oficer policie i veshur jo me uniformë dhe është larguar menjëherë nga vendngjarja.
Agresori thuhet se ka qenë i vetëm teksa drejtonte automjetin gjatë urës “Westminster”, përpara se të përplasej me gardhin e Dhomës së Parlamentit dhe të futej në kopsht.
Punimet e Dhomës së Përfaqësuesve janë pezulluar nga nënkryetarja Lindsay Hoyle. Deputetët janë urdhëruar të qëndrojnë brenda e të mos dalin jashtë.
Incidenti dramatik vjen pak javë pasi u mësua se shërbimet sekrete britanike kanë bërë të dështojnë 13 sulme potenciale në më pak se 4 javë, ndërsa njësitë e Antiterrorizmit janë duke funksionuar me më shumë se 500 hetues në terren. /tesheshi.com/
