Në Vjenë, një grua myslimane u plagos pasi u përball me një sulm për veshjen e një hixhabi.
“Kjo më mërziti vërtet, nuk dija si të reagoja sepse ishte hera e parë që e gjeja veten në një situatë të tillë,” tha Baraa Bolat në një intervistë për AA.
Duke vënë në dukje se sulmi ndodhi në një autobus të qytetit, Bolat tha: “Një grua u afrua dhe më tha të kthehesha në Turqi, me paragjykime, sepse unë mbaj një hixhab, edhe pse nuk jam nga Turqia.”
Bolat tha se ajo injoroi sulmin dhe u drejtua në pjesën e përparme të autobusit, por sulmuesja e ndoqi dhe vazhdoi me fjalë fyese dhe raciste.
“Pas kësaj zbrita nga autobusi…”, tha Baraa Bolat.
Ajo gjithashtu ndau historinë e këtij incidenti në mediat sociale, pas së cilës shumë shprehën solidaritet me të.
“Mendova se duhej të mbaja një qëndrim, të gjithë duhet të mësojnë për të. Pavarësisht nëse mbani një hixhab apo jo, ngjyrën e lëkurës ose kombësinë, askush nuk duhet të përballet me diçka të tillë, dhe kjo nuk duhet të injorohet,” tha ajo.
Baraa Bolat bëri denoncim në Polici, pasi personi që e sulmoi atë edhe më parë kishte sulmuar gra të veshura me hixhab. /tesheshi.com/
