Një prokuror i marrë peng në Turqi, është plagosur rëndë gjatë një shkëmbimi zjarri mes forcave të rendit dhe rrëmbyesve, në selinë e Pallatit të Drejtësisë në Caglayan, në pjesën evropiane të Satambollit.
Vetëm disa orë pasi i është nënshtruar me urgjencë një operacioni të vështirë, prokurori ka ndërruar jetë, për shkak të plagëve të rënda të pësuara në pjesë të trupit.
Të vrarë kanë ngelur dy meshkujt, të cilët, mëngjesin e kësaj të hëne morën peng prokurorin. Bëhet fjalë për pengun Mehmet Selim Kiraz, përgjegjës për hetimet mbi vdekjen e Berkin Elvan, një 15-vjeçar i goditur në kokë nga një kapsulë gazi lotësjellës, në muajin qershor të vitit 2013, gjatë një proteste anti qeveritare në Gezi Park. I riu ndërroi jetë në spital në muajin mars të vitit të kaluar, pasi nuk doli asnjëherë nga gjendja e komës.
Në vendngjarje kanë mbërritur forcat e policisë, ndërsa ndërtesa ku prokurori u morr peng, – një nga pallatet e drejtësisë më të mëdha në Europë,- u evakuua në mënyrë të menjëhershme, ndërsa nisën tratativat dhe negociatat me rrëmbyesit.
Pas shtatë orësh, rreth orës 19:00 me orën tonë, forcat e rendit nisën sulmin, ndërsa mes bluve turke dhe rrëmbyesve u shkëmbyen disa herë goditje me armë. Si pasojë, prokurori u plagos dhe u dërgua në spital, ku u operua me urgjencë.
Heshtja e shtypit dhe errësira elektrike
Autoritetet i kanë kërkuar mediave turke të mos japin shumë detaje në lidhje me ngjarjen dhe kzanë kërkuar shmangien e mbulimit mediatik. Njëkohësisht, qeveria ka marrë vendimin e ndërprerjes së transmetimit në këtë zonë, duke u vënë mediave një lloj censure, me pretekstin se cenohet siguria kombëtare dhe puna e forcave të rendit. Kjo lloj mase është palikuar plotë 150 herë gjatë këtyre 4 viteve të fundit.
Nga ana tjetër, mediat shtrojnë pyetjen se si është e mundur që këta persona të armatosur mund të hyjnë kaq lehtësisht në një ambient të tillë, siç është edhe prokuroria, ku masat e sigurisë janë tepër të larta e njëkohësisht, pse e gjitha është e lidhur me një mungesë të energjisë elektrike që pllakosi këtë pjesë të qytetit gjatë orëve të para të ditës, kohë në të cilën ndodhi edhe rrëmbimi?
“Policia të rrëfehet”
Rrëmbimi u krye nga ushtarët e Dhkp/C (Partia e Frontit revolucionare të liberalizimit të popullit, Devrimci Halk Kurtuluş Partisi-Cephesi), një grup ekstremist i majtë, të cilët u ngujuan bashkë me prokurorin, në katin e gjashtë të ndërtesës.
Rrëmbyesit kanë kërkuar që policia të “rrëfejë” mbi vrasjen e djaloshit 15-vjeçar, të cilin, sipas ekstremistëve, e kishin vrarë vetë ata. Për viktimën minoren, me çështjen e të cilit po merrej edhe prokurori, rrëmbyesit kërkuan që të zhvillohej një gjyq popullor, ku të mund të dilte në dritë e vërteta.
Kiraz ushtron postin e prokurorit prej 14 vitesh, ndërsa prej 4 v itesh punon në Stamboll. Vitet e mëparshme ka shërbyer në Osmaniye, në jug të Turqisë dhe në Gaziosmanpaşa, në periferi të Stambollit./tesheshi.com/
