Një person i dyshuar për kryerjen e një sulmi me thikë në Paris të premten, pranë ish selisë së redaksisë së gazetës satirike Charlie Hebdo, është arrestuar, njoftoi policia, raporton Reuters.
Media franceze BFM TV dhe Le Figaro raportuan se i dyshuari u arrestua në shkallët e shtëpisë së operës Paris Bastille.
Fëmijët e ndaluar në shkolla
Kryeministri francez Jean Castex konfirmoi incidentin të premten. Sipas Reuters, duke cituar burime të saj policore, dy viktima, nga katër të plagosurit në sulm, kanë dëmtime kërcënuese për jetën.
Fëmijët e kopshteve dhe shkollave u ndaluan në institucionet e tyre në zonën përreth sulmit, tha një zyrtar i asamblesë së qytetit.
Pesë shkolla në rrethin ku ndodhi sulmi dhe të gjitha shkollat në rrethinat fqinje u mbyllën.
“Bëhet fjalë për mijëra fëmijë, nga çerdhet deri te shkollat e mesme. Fëmijët janë të sigurt”, tha Ariel Weil, një zyrtar i qytetit.
Autoritetet lokale u kanë kërkuar banorëve të shmangin zonën në pjesën verilindore të qytetit.
Viktimat e sulmit të vitit 2015
Sulmi erdhi tre javë pasi filloi gjyqi për redaksinë e Charlie Hebdo në janar 2015, kur 12 njerëz u vranë.
AP raporton se reporterët e tij panë një numër të madh të oficerëve të policisë në vend në pjesën lindore të Parisit, jo shumë larg stacionit të metrosë Richard Lenoir. /tesheshi.com/
