Një grua, e cila po notonte në det me një shoqe, u sulmua nga një peshkaqen në qytetin Deheb në jug të gadishullit Sinai të Egjiptit. Është një qytet afër Sharm El-Sheikh.
Ministri egjiptian i Mjedisit, Yasemin Fuad tha se një grua egjiptiane është sulmuar nga një peshkaqen dhe se plazhi është mbyllur pas këtij incidenti.
https://twitter.com/i/status/1702378089953558882
Fuad tha se “është formuar një komision urgjent për të vlerësuar situatën, për të përcaktuar shkakun e sulmit të peshkaqenit dhe për të kërkuar peshkaqenin në plazh”.
Në deklaratë thuhet se gjendja e gruas së sulmuar është “stabile”. Megjithatë, mediat lokale raportuan se gruaja ka mbetur pa krah.
Kujtojmë se një turist rus humbi jetën pasi u sulmua nga një peshkaqen më 8 qershor në brigjet e Hurghada në bregun egjiptian të Detit të Kuq. /tesheshi.com/
