Tre persona janë vrarë dhe disa të tjerë kanë ngelur të plagosur gjatë një sulmi në një xhami shiite në Arabinë Saudite. Sulmi ndodhi gjatë faljes së xhumasë këtë të premte.
Lajmi është bërë i ditur nga mediat lokale, të cilat citojnë burimet zyrtare si dhe dëshmitarët në vendngjarje. Bëhet fjalë për xhaminë Imam Reza, në Mahasen. Megjithatë, mendohet se numri i viktimave mund të jetë më i lartë se tre. Ende nuk është e qartë dinamika e sulmit.
Një aktivist, duke cituar disa dëshmitarë ka thënë për Reuters se të shtënat ndodhën pas një shpërthimi. Në të njëjtën kohë, disa banorë kanë folur për një shkëmbim zjarri mes forcave të sigurisë dhe 5 të dyshuarve.
Sipas Al Araibya, e cila citon burime anonime, autoritetet kanë arrestuar një të dyshuar. Gjithmonë sipas Al Arabiya, gjatë atentatit janë plagosur shtatë persona.
Gjatë lutjes ishte i pranishëm edhe Mohammed al-Nimr, vëllai i imamit shiit të gjykuar në fillim të janarit, Sheikh Nimr al-Nimr. Ekzekutimi i tij provokoi një krizë të madhe diplomatike mes Arabisë Saudite dhe Iranit. Mohammed al-Nimr ka qenë ndër të parët që ka folur për mediat dhe agjencitë e shtypit, në vendngjarje. /tesheshi.com/
