Suedia fiton ndeshjen e parë të play off kundër Italisë me rezultatin 1-0, me autor goli mbrojtësin Johanson. Skandinavët dhanë përshtypjen që nuk ndiheshin inferiorë, sic mendohej “në letër”, por u përpoqën të përdornin fizikun, për të kompensuar mangësitë teknike.
Për të mbështetur shokët e skuadrës në tribunë ishte edhe ish-kapiteni suedez, Zllatan Ibrahimovicc. Ndeshja nuk u shoqërua me raste të shumta, por më tepër me dyluftime.
Pjesa e parë ishte e ekuilibruar e sulmuesit respektivë bënë pak për të shënuar. Italiani Beloti kishte rastin më të mirë, kur që në fillim të ndeshjes, mund të shënonte nga jo shumë larg, me kokë. Suedezët u përpoqën me presing dhe lojë force.
Në pjesën e dytë, një goditje e Johanson e devijuar nga De Rosi, i dha avantazhin vendasve, të cilët më pas u tërhoqën krejtësisht mbrapa. Italianët u përpoqën të krijojnë raste, por ishin të pafat kur një gjuajtje e Darmian, goditi shtyllën e majtë pingule.
Ndërsa pas kësaj, as të sapofuturit në fushë, Eder e Insinje nuk e ndryshuan dot rezultatin, ndërkohë që Imobile, u fut në sandëich mes mbrojtësve Grankvist dhe Lidelof.
Në fund 1-0 për Suedinë, me skandinavët që iu gëzuan shumë fitores. Italianët kanë edhe ndeshjrn e kthimit në dispozicion, për të përmbysur rezultatin, pasi në të kundërt, i thonë adio Botërorit. /tesheshi.com/
