Zyrtari i rangut të lartë i Organizatës Çlirimtare Palestineze (PLO) Wasel Abu Yousef e quajti vendimin e Sudanit për të ndërmarrë hapa për të normalizuar marrëdhëniet me Izraelin “një goditje e re me thikë pas shpine”.
Yousef, i cili është anëtar i komitetit ekzekutiv të PLO, tha se pranimi i Sudanit në vendet e tjera që kishin normalizuar marrëdhëniet me Izraelin ishte një tradhti ndaj “qëllimit të drejtë palestinez”.
Duke folur në Ramallah, një qytet palestinez në qendër të Bregut Perëndimor, ai tha se vendimi i Sudanit për të ndjekur gjurmët e Emirateve të Bashkuara Arabe dhe Bahreinit “nuk do të lëkundë besimin e palestinezëve në kauzën e tyre dhe në vazhdimin e luftës së tyre”.
Ndërsa një zëdhënës i Hamasit, aleati tradicional i Sudanit, Fawzi Barhoum, i tha Reuters në Gaza se lëvizja e Sudanit ishte një hap në drejtimin e gabuar.
Presidenti Trump tha të premten më parë se Sudani ka arritur një marrëveshje për të normalizuar marrëdhëniet diplomatike me Izraelin.
Sudani është vendi i tretë arab që normalizon marrëdhëniet me Izraelin, pas Emirateve të Bashkuara Arabe dhe Bahreinit, të cilët nënshkruan një marrëveshje me atë vend në Uashington në 15 shtator. /tesheshi.com/
