Stuhia e dëborës, e cila goditi bregun lindor të Shteteve të Bashkuara të enjten, paralizoi trafikun ajror në Nju Jork, shkaktoi përmbytje në Boston, ku edhe ngriu ujin dhe la dhjetëra mijëra banorë pa energji elektrike, ndërkohë që autoritetet kishin frikë se rënia e paralajmëruar e temperaturës mund të përkeqësonte situatën, raporton France-Presse.
Kjo stuhi e parë në përmasa kaq të mëdha në vitin 2018, solli një sasi të madhe të dëborës, e cila duket se u ndal të enjten mbrëma.
Dëbora e cila kishte rënë pandërprerë të enjten gjatë gjithë ditës në Nju Jork, kishte mbuluar rrugët e kryeqytetit më të madh amerikan me një shtresë të trashë të bardhë, duke i dhënë rrugëve një qetësi të pazakontë. Shkollat publike pritet të hapen përsëri të premten në qytetin me 8.5 milionë banorë.
Guvernatorët e shteteve të Nju Jorkut dhe Masaçusetsit paralajmëruan për rënien e pritshme të temperaturave deri në -13 gradë Celsius gjatë natës dhe gjithë fundjavës.
Trafiku u çrregullua shumë: aeroporti i Nju Jorkut “J.F. Kennedy” dhe “La Guardia” ishin “praktikisht të mbyllura” në mesditë”, tha Guvernatori i Nju Jorkut, Andrew Cuomo. Terminalet ishin të hapura për të akomoduar pasagjerë që nuk mund të fluturonin.
“Aksidente të shumta dhe të rënda” ndodhën në rrugë, tha Cuomo, duke mos përmendur të dhëna numerike, dhe shumë trena që lidhin qytetet verilindore gjithashtu ishin vonuar ose anuluar.
Stuhia në mjedisin e Bostonit shoqërohej nga valë të mëdha, të cilat shkaktuan “përmbytje të rralla”, tha Guvernatori Charlie Parker. Këso përmbytje nuk janë parë që nga shkurti i vitit 1978.
Rrugët në lagjet lindore të Bostonit, të cilat janë normalisht janë të frekuentuara dhe të zhurmshme, janë ngrirë nga akulli, dhe 26 nga 78 komunat në bregun e Masaçusetsit kishin probleme me përmbytje.
Në Nju Jork, Boston, Filadelfia dhe Uashington, shkollat janë të mbyllura. Shumë prej tyre pritet të hapen të premten kurse në Boston do të qëndrojnë të mbyllura për të lehtësuar pastrimin e rrugëve.
Stuhia goditi pjesët e juglindjes, ku zakonisht nuk bie borë.
Kështu, këtë javë fluskat kanë mbuluar plazhet në Florida, për herë të parë në 30 vitet e fundit. Tre vetë humbën jetën në një aksident në Karolinën e Jugut të enjten.
Në Karolinën e Veriut dhe Virxhinia më shumë se 30.000 njerëz kanë mbetur pa energji elektrike të enjten mbrëma.
3,000 qytetarë në Nju Jork dhe rreth 10,000 në Boston kanë mbetur pa energji elektrike. Furnizimi i familjeve pritet të normalizohet gjatë natës.
Pritet që stuhia, e quajtur “bomba ciklonike” për shkak të rënies së papritur të presionit të ajrit, do të tërheqë ajrin e ftohtë nga veriu këto ditë, dhe kështu të sjellë një valë të re të të ftohtit. /tesheshi.com/
