Një anije shpëtimi është përmbysur në Atlantik jashtë brigjeve perëndimore të Francës duke lënë të vdekur tre persona të ekuipazhit. Erërat e forta njoftohet se arritën deri në 129 km / orë.
Viktimat ishin pjesë e një ekuipazhi prej shtatë personash që kishin shkuar në ndihmë të një varke tjetër që ishte në vështirësi, kur stuhia “Miguel” goditi zonën.
Erërat e deri në 147km / orë goditën pjesën veriore të Spanjës, duke lëvizur rreth Gjirit të Biskajës dhe duke kaluar në Francë.
Stuhia është e pazakontë, meqë vjen në fillim të sezonit turistik veror. Erërat më të forta u regjistruan në rajonin veriperëndimor të Spanjës të Asturia, ndërsa më parë pati dëme në disa ndërtesa në Galicia.
Dhjetë departamentet franceze u vunë në gjendje gatishmërie duke ndezur alarmin portokalli, dhe paralajmëruan për dëmtime të mundshme, veçanërisht për pemët.
Udhëtimi hekurudhor në perëndim të vendit u ndërpre dhe parashikuesit e motit thanë se imazhe të tilla ishin të rralla në qershor. /tesheshi.com/
