Bashkimi Ndërkombëtar i Dijetarëve Muslimanë ka bërë thirrje për një bojkot masiv të Izraelit derisa ai të tërhiqet nga të gjitha territoret që mban nën okupim.
Deklarata, e nënshkruar nga presidenti i shoqatës Ahmed er-Raysuni dhe sekretari i përgjithshëm Ali al-Qaradaghi, u postua të dielën në profilin zyrtar të unionit në Facebook.
“Ne bëjmë thirrje për bojkot të shtetit të Izraelit, i cili aktualisht pushton Xhaminë Al-Aqsa, sulmon vëllezërit dhe motrat tona në Lartësitë Golan në Siri dhe Palestinë, si dhe shkatërron shtëpitë dhe tokat e tyre,” tha deklarata.
Rezistenca, si një detyrim moral
Eshtë deklaruar se rezistenca ndaj pushtimit me të gjitha mjetet legjitime dhe përndjekja e pushtuesve është një detyrim moral në Islam, i cili njihet dhe nga e drejta ndërkombëtare si dhe nga rezolutat e Kombeve të Bashkuara.
Duke theksuar se okupimi është një situatë e përkohshme dhe kështu nuk justifikon konfiskimin e pasurisë private, deklarata tha se “ata që porosisin ose tregtojnë mallra të okupatorëve njihen si mëkatarë që ndihmojnë në këtë krim”.
“Ne u bëjmë thirrje të gjithë myslimanëve të bojkotojnë Izraelin derisa ai të tërhiqet nga të gjitha territoret e okupuara”.
Egjipti dhe Jordania kanë njohur më parë Izraelin, ndërsa Emiratet e Bashkuara Arabe, Bahreini, Sudani dhe Maroku janë bërë shtetet më të fundit nga bota arabe për të normalizuar marrëdhëniet me Izraelin në 2020. /tesheshi.com/
