Zgjedhjet në Turqi janë lajm botëror. Erdogan ka dalë fitues deri më tani, por pa e shmangur dot balotazhin.
Rëndësia e këtyre zgjedhjeve dhe delikatesa gjithashtu, është se ç’Turqi do jetë pas tyre, ajo qe “sheh punën e vet”, Turqia kemaliste, apo ajo që është lojtar botëror, kjo e Erdoganit, duke qenë diktuese e përcaktuese e shumë zhvillimeve globale, përfshirë sidomos Ballkanin.
Nga Instituti Ndërkombëtar për Studime të Lindjes së Mesme dhe Ballkanit, komentoi Bakhtyar Aljaf, duke thënë:
“Kandidati i opozitës tha se do të ndjekë rrugën e Ataturkut dhe kjo do të thotë se Turqia qëndron brenda kufijve të saj, se nuk ka ambicie të ndërhyjë në punët e jashtme që ndodhin jashtë Turqisë. Amerikanët janë në favor të kësaj, pra që Turqia të mos merret me Ballkanin apo Libinë, Mesdheun Lindor, Azerbajxhanin, Irakun, që të qëndrojë brenda kufijve të saj. Ne e dimë se çfarë po ndodh në Ballkan. Amerikanët ia lënë Gjermanisë rolin për zgjidhjen e situatës në Ballkan dhe siç e shihni, nuk po ia del dot. Turqia punon për ekuilibrat. Nëse nesër Turqia del nga Ballkani, pa një lider karizmatik si Erdogani, problem do jetë.
Erdogan kanë pasur bashkëpunim me të gjithë, sidomos me serbët dhe boshnjakët. Kjo është siguria, ekuilibri…është një siguri e dhënë se nuk do të ketë përshkallëzim. Marrëdhënia që ka pasur deri më sot me Serbinë dhe Bosnjën ka qenë një balancë… nëse nuk është aty, kemi faktorin kroat. Kroacia do të ndërhyjë me ndihmën e Gjermanisë…,” tha ai për Hayat TV.
Kur bëhet fjalë për ekonominë, Turqia është pjesë e politikës globale dhe nuk duhet të harrojmë se Turqia është anëtare e G20, 20 vendeve më të zhvilluara në botë. /tesheshi.com/
