Ju thonë se po kaloni shumë kohë para video-lojrave? Duhet të dini se “konsumimi i tepërt” i video-lojrave mund t’ju mbajë larg nga konsumimi i diçkaje më të rrezikshme: drogës. Kështu mendon Nora Volkov, drejtoreshë e Intitutit Kombëtar Amerikan për Abuzimin me Drogën.
Të dhënat e mbledhura nga instituti amerikan tregojnë se të rinjtë në SHBA përdorin më pak drogëra, e nëse ky është një tregues i politikave efikase të parandalimit, Volkov mendon se kjo ka edhe një shpjegim tjetër: “Zhvillimi i video-lojrave shumëpërfshirëse ka çuar në lindjen e varësisë ndaj këtyre lojrave, i cila mund të jetë një zëvendësuese e drogërave. Është një hipotezë, por që ia vlen të studjohet,” pohon ajo.
Në përgjithësi, 61 për qind e studentëve të maturës në Amerikë konsumon marijuhanë përditë dhe 1 në 4 pranon se e ka përdorur në muajin e fundit. Sot, në SHBA marijuhana ka një përhapje më të madhe se duhani: vetëm 10,5 për qind e studentëve maturantë thotë se ka pirë një cigare gjatë muajit të fundit (por 12,5 për qind thotë se ka përdorur cigare elektronike).
Një e dhënë e rëndësishme është pakësimi i konsumimit të alkoolit në mesin e adoleshentëve: nëse 37,3 për qind pranon se është dehur të paktën një herë në jetë, kjo përqindje është ulur drastikish në krahasim me vitin 2001 që ishte rreth 53,2 për qind. /tesheshi.com/
