Sipas një studimi të bërë nga një grup kërkuesit kanadezë, ka rezultuar se të jetuarit në katet e larta të ndërtesave rrit gjasat për të mos mbijetuar nga ndonjë sulm në zemër.
Këtu bëhet fjalë për ndërtesat e larta, qiellgërvishëset në metropole, ku numri i ndërtesave po shtohet gjithnjë e më shumë. Qiellgërvishëset krijojnë vështirësi për ndihmën e shpejtë, e kjo mund të jetë kritike kur dikush goditet nga një atak në zemër ku shpejtësia e ndërhyrjes është vendimtare për mbijetesën e personit të prekur.
Studiuesit kanë analizuar qytetin e Torontos. Kanë marrë në konsideratë ndërhyrjet e shpejta ndërmjet 2007 dhe 2012.
76.5 për qind e viktimave jetonin ndërmjet katit të parë dhe të tretë, ndërsa 23,5 për qind në katet e sipërme (mbi katin e tretë). Mesatarja e mbijetesës rezulton të jetë gati përgjysëm te ata që jetonin në tre katet e para (4,6 për qind). Ndërsa ata që jetonin në katet e tjera më lartë kanë mbijetuar në 2,6 për qind të rasteve.
Këtu vlen të theksohet se katet ku jetonin viktimat kanë qenë faktor më i rëndësishëm se mosha, apo koha e përgjigjes së ndihmës së shpejtë. /tesheshi.com/
