Analiza e mbulimit të të gjitha sulmeve terroriste në SHBA brenda periudhës kohore 2011 dhe 2015, rezuktoi të kishte një rritje prej 449 për qind të vëmendjes së mediave nëse autori përflitej të ishte musliman, shkruan prestigjiozja britanike “The Independent”.
Muslimanët kryen vetëm 12.4 për qind të sulmeve gjatë periudhës së studiuar, por morën 41.4 për qind të mbulimit të lajmeve, konkuldon studimi.
Autorët e studimit mbrojnë idenë se mediat po i bëjnë njerëzit të ndihen të frikësuar në mënyrë joproporcionale nga autorët me ndonjë identitet musliman, krahasuar me të tjerë shumë më “terroristë”, por me identitet fetar apo nacional krejt tjetër.
Rezultatet e studimit erdhën pas mbulimit të gazetave amerikane për çdo sulm terrorist në tokën amerikane, duke llogaritur numrin total të artikujve të dedikuar për secilin sulm.
Ata gjetën se sulmet gjatë maratonës në Boston të vitit 2013, të kryera nga dy muslimanë, morën pothuajse 20 përqind të të gjithë mbulimit mediatik në lidhje me sulmet terroriste në SHBA në një periudhë 5-vjeçare.
Në anën tjetër, raportimi i një masakre të vitit 2012 në një tempull Sikh në Wisconsin, që la gjashtë vetë të vdekur dhe e cila u krye nga Wade Michael Page, një burrë i bardhë, ka përbërë vetëm 3.8 përqind të mbulimit mediatik.
Të shtënat në masë nga Dylann Roof, një person gjithashtu i bardhë, në një kishë afrikano-amerikane në Charleston, Karolinën e Jugut, ku u vranë nëntë njerëz, mori vetëm 7.4 përqind të mbulimit mediatik, ndërsa një sulm i vitit 2014 nga Frazier Glenn Miller në sinagogën e Kansasit, ku u vranë tre persona, u mbulua vetëm nga 3.3 përqind të raportimeve të medias.
Të gjitha sulmet e mësipërme konsiderohen të kenë përmbushur përkufizimet e “terrorizmit:, sipas studiuesve në Universitetin Shtetëror të Xhorxhias.
Autorët thanë se gjetja e tyre ka rrëzuar sugjerimin e Donald Trump, të bërë në shkurt, se mediat nuk po raportojnë për sulmet terroriste të kryera nga muslimanët.
“Kur Presidenti Trump pohoi se mediat nuk po mbulojnë mjaftueshëm sulmet terroriste, rezultoi se kishte të drejtë”, shkruan ata, iu referohet “The Indipendent”.
“Megjithatë, pohimi i tij se sulmet e kryera nga autorët muslimanë kanë marrë më pak mbulim është i pabazuar.
Pavarësisht nga faktorët e tjerë, sulmet e kryera nga muslimanët marrin një sasi të shpërpjesëtuar të mbulimit mediatik. Në të dhënat aktuale, myslimanët kryen 12.4 për qind të sulmeve, megjithatë kanë marrë 41.4 për qind të mbulimit të lajmeve.
Pavarësisht nëse mbulimi joproporcional është një vendim i vetëdijshëm nga ana e gazetarëve apo jo, ky stereotip i përforcon narrativat kulturore për atë se nga kush duhet pasur frikë popullata.
“Duke mbuluar sulmet terroriste të kryera nga muslimanët në mënyrë dramatike më shumë sesa incidentet e tjera, mediat portretizojnë këtë lloj ngjarje si më të përhapur. Bazuar në këto gjetje, nuk është çudi që amerikanët janë aq të frikësuar nga i ashtëquajturi ‘terrorizmi radikal islamik’. Realiteti tregon, megjithatë, se këto frikëra janë të gabuara”, përfundon shkrimin “The Independent”. /tesheshi.com/
