Janë të shumtë ata që i konsiderojnë puçrat si diçka jo-estetike e që duhen eliminuar sa më parë. Kjo i shtyn shumë adoleshentë, por jo vetëm, që t’i shtypin puçrat për t’i eliminuar.
Por kryerja e këtij veprimi pa kushtet e duhura higjenike mund të përbëjë një problem serioz.
Këtë e ka bërë të ditur një studim i publikuar në faqet e gazetës Independent. Ekspertët janë fokusuar në efektet e këtij veprimi, sidomos nëse bëhet në pjesë të caktuara të fytyrës, i njohur si trekëndëshi i rrezikut. Bëhet fjalë për zonën ndërmjet syve, hundës e deri në buzën e sipërme.
Kjo është një zonë e mbushur me damarë që shkojnë direkt në tru. Një lidhje e rrezikshme duke pasur parasysh se një infektim i provokuar nga shtypja e puçrave mud të arrijë deri në tru.
Pas rezultateve të studimit, dermatologët kanë sugjeruar se shtypja e puçrave përbën rrezik dhe se në rast infeksioni duhet lajmëruar menjëherë doktori. /tesheshi.com/
