Studiuesit kanë fituar njohuri të reja se si sistemi imunitar forcohet nëpërmjet gjumit. U morën në analizë mostrat e gjakut nga 14 meshkuj të shëndetshëm dhe të rinj, me moshë mesatare 25 vjeç, kur ata flinin gjumë natën dhe kur u e kishin gdhirë gjithë natën.
Mostrat u analizuan bazuar në qelizat e bardha të gjakut, të cilat janë themeli i sistemit imunitar. Kur pjesëmarrësit në studim bënin një gjumë të qetë dhe të plotë gjatë natës, nivelet e të gjitha qelizave të bardha pësuan rënie brenda tre orëve gjumë. Por niveli i tyre qëndroi shumë më i lartë, kur ata qëndruan zgjuar gjatë natës.
Studimi i botuar në revistën shkencore “American Journal of Physiology – Regulatory, Integrative and ComparativePhysiology”, thotë se rënia e shpejtë e qelizave të bardha në gjak gjatë gjumit, tregon rolin rigjenerues që luan gjumi te njeriu.
Drejtuesja e studimit, Luciana Besedovsky tha se, “Kjo mund të jetë një arsye pse gjumi i rregullt është aq e rëndësishme për shëndetin në përgjithësi”. Besedovsky është studiuese në Departamentin e Psikologjisë Mjekësore dhe të sjelljes në Universitetin e Tübingen në Gjermani./tesheshi.com/
